雨僑於今年8月為羅力威誕下女兒羅約彌（Harper），昨日（11.18）慶祝囡囡100 days，在酒店舉行百日宴，一家人度過了愉快的一天。雨僑表示原本老公羅力威好想以「龍珠」為宴會主題，最終能未成事。雨僑將宴會上的家庭照片放上IG分享喜悅，以長文道出百日以來當新手媽媽的幸福、辛酸。
雨僑發長文暢談新手媽媽湊B感受。（雨僑IG）
Harper精靈健康，雨僑和羅力威湊B過程「值得」辛苦。（雨僑IG）
Harper未出世前，雨僑已決定一手一腳自己湊，不請工人姐姐及陪月員幫手，由她和老公全天候照顧愛女。在全無湊B經驗下，過程有淚有汗，雨僑寫著：「呢一百日佢（Harper）喊得多，我喊得仲多，每分每秒都唔知佢喊乜嘢，總之就日喊夜喊，一日嘔濕十幾套衫，鍾意就三日唔屙屎，到知道佢有肚風呀？搓肚仔！人生目標細到剩係想你捱過一餐奶，唔好三個鐘頭係咁喊喊，見到你成條蟮咁fing嚟fing去，個肚一定好痛，真係好陰功！」
Harper羅約彌 happy 100 days。（雨僑IG）
成長100日，雨僑父母當然有出席百日宴。（雨僑IG）
夫妻互相接力湊B，為了讓對方「有覺好瞓」，想盡方法，「為咗令雙方唔好畀BB喊聲嘈醒，總之諗得出嘅辦法都試過，包括一個瞓一個匿喺㕑房抱住囡囡，因為㕑房最遠，女兒最長試過十四、十五個鐘冇離開過我心口！我條頸、雙手睇完醫生馬上又痛番，『媽媽手』？唔理嘞！無數個夜晚抱住阿女望住個天由黑變光，嗰種感覺真係難以形容。」
【爸爸羅力威冇幫手？】雨僑做新手媽媽自信搞得掂 後悔冇請陪月湊B：勿以身犯險 【下一頁】
雨僑抱著Harper瞓覺、餵奶，無數次看著窗外日出日落。（雨僑IG）
辛苦還辛苦，雨僑覺得一手一腳自己湊是值得的，能抱就抱，到BB長大後想抱都沒機會，「望住阿女初生細細粒到肥肥白白識笑，真係覺得好幸福！」今年大家要面對新冠肺炎疫情，雨僑不忙為同是新手媽媽們打氣，「新手媽媽嘅辛酸，我真係只可以同你哋攬住一齊喊，然後咬緊牙關繼續戰鬥，尤其今年嘅媽媽們……其實對所有人嚟講都係好難捱嘅一年，我哋一齊加油！」
做新手媽媽已經唔容易，在疫情下照顧BB要加陪小心。（雨僑IG）
撰文:衛紫敏
江嘉敏生日合照Update閨密名單 李澤楷女友郭嘉文上門送驚喜 【下一頁】